پاکستان میں ہندو کمیونٹی کی جانب سے روشنیوں کا تہوار دیوالی جوش و خروش اور مذہبی احترام کے ساتھ منایا جا رہا ہے۔
اس موقع پر مندروں، ہندو کمیونٹی کے گھروں اور کمیونٹی سینٹرز میں چراغاں، پوجا پاٹھ اور میل جول کی تقریبات منعقد کی جا رہی ہیں۔
مسلمان ہم وطن بھی دیوالی کے موقع پر ہندو کمنیونٹی کی خوشیوں میں شریک ہوئے جس سے بین المذاہب ہم آہنگی اور قومی یکجہتی کا پیغام ابھرا۔
اس موقع پر صدرِ پاکستان آصف علی زرداری، وزیراعظم شہباز شریف اور پاکستان پیپلز پارٹی کے چیئرمین بلاول بھٹو زرداری نے پاکستان سمیت دنیا بھر میں بسنے والی ہندو برادری کو دل کی گہرائیوں سے دیوالی کی مبارکباد پیش کی ہے۔
صدر زرداری نے اپنے تہنیتی پیغام میں کہا کہ دیوالی ‘امن، ہمدردی اور ہم آہنگی کی آفاقی اقدار’ کی یاد دلاتی ہے جو تمام مذاہب میں مشترک ہیں۔
صدرِ مملکت آصف علی زرداری کا دیوالی کے موقع پر پیغام
صدر مملکت کی جانب سے ہندو برادری کو دیوالی کی مبارکباد اور نیک تمنائیں
دیوالی روشنی کے اندھیرے پر اور نیکی کے بدی پر غلبے کی علامت ہے: صدر آصف علی زرداری
یہ تہوار امن، رواداری، ہمدردی اور ہم آہنگی جیسی آفاقی اقدار کی یاد…
— PPP (@MediaCellPPP) October 20, 2025
وزیراعظم شہباز شریف کا پیغام
وزیراعظم شہباز شریف نے بھی پاکستان سمیت دنیا بھر کی ہندو کمیونٹی کو دیوالی کے ‘پر مسرت’ موقع پر مبارکباد دی اور کہا کہ پاکستان کی مذہبی و ثقافتی تنوع ہی اس کی اصل طاقت ہے۔
انہوں نے کہا کہ جیسا کہ گھر اور دل دیوالی کی روشنی سے منور ہوئے ہیں، میری دعا ہے کہ یہ تہوار تاریکی کو دور کرے، ہم آہنگی کو فروغ دے، اور ہم سب کو امن، ہمدردی اور مشترکہ خوشحالی کے مستقبل کی طرف رہنمائی کرے۔
On the auspicious occasion of Diwali, I extend my heartfelt greetings to our Hindu community in Pakistan and around the world.
As homes and hearts are illuminated with the light of Diwali, may this festival dispel darkness, foster harmony, and guide us all toward a future of…
— Shehbaz Sharif (@CMShehbaz) October 20, 2025
بلاول بھٹو زرداری کا پیغام
پیپلز پارٹی کے چیئرمین بلاول بھٹو زرداری نے کہا کہ دیوالی ہمیں یاد دلاتی ہے کہ روشنی ہمیشہ اندھیرے پر غالب آتی ہے، اور سچ، امن اور محبت نفرت اور تقسیم سے بالاتر ہوتے ہیں۔
انہوں نے پیپلز پارٹی کے بانی ذوالفقار علی بھٹو اور محترمہ بینظیر بھٹو کے وژن کا حوالہ دیتے ہوئے کہا کہ ہم ایک ترقی پسند اور ہم آہنگ پاکستان کے لیے پرعزم ہیں جہاں تمام مذاہب کے لوگ باوقار انداز میں رہیں۔
تمام ہندو برادری اور دیوالی منانے والوں کو خوشیوں، امن اور روشنیوں سے بھرپور دیوالی کی مبارکباد۔
پاکستان کی خوبصورتی اس کی مذہبی رواداری اور ہم آہنگی میں ہے، آئیں ہم سب مل کر امید و خوشحالی کے دیئے جلائیں۔ pic.twitter.com/4HJ6xqatxB— Bilawal Bhutto Zardari (@BBhuttoZardari) October 20, 2025
ہندو برادری کے مستحق افراد کیلئے راشن پیکجز
📍#Sanghar: Ahead of Diwali Festival, Alkhidmat Distributed Diwali Gift and Ration Packs to 200 Deserving Hindu Families in Tando Adam. pic.twitter.com/Uswc4UzfCE
— Alkhidmat Foundation Pakistan (@AlkhidmatOrg) October 15, 2025
