حکومت نے بہادری کا مظاہرہ کرنے والے 71 افراد کو سول ایوارڈز دینے کا فیصلہ کر لیا۔
وزیر داخلہ محسن نقوی کی زیر صدارت کابینہ ڈویژن میں ہونے والے اجلاس میں ملک و قوم کیلئے بہادری کا مظاہرہ کرنے والے 71 افراد کے لیے مختلف سول اعزازات کی منظوری دی گئی۔
محسن نقوی نے کہاکہ ملک و قوم کی حفاظت کے لیے جان نچھاور کرنے والوں اور غیر معمولی بہادری کا مظاہرہ کرنے والوں کی حوصلہ افزائی انتہائی ضروری ہے۔
انہوں نے کہا ہے کہ ان بہادر سپوتوں نے اپنی جانوں کی پرواہ کیے بغیر ملک کی بے مثال خدمت کی ہے اور قوم ان کی ہمیشہ مشکور رہے گی۔ شہدائے وطن ہمارے سر کا تاج ہیں، شہدا اور غازیوں کی قربانیوں کو ہرگز رائیگاں نہیں جانے دیا جائے گا۔
