‘مجھے نہیں لگتا’ کہ روس اور چین ایران کی مدد کر رہے ہیں، ٹرمپ کا ‘افواہوں’ پر ردعمل

امریکی صدر ڈونلڈ ٹرمپ نے کہا ہے کہ انہیں یقین نہیں کہ چین اور روس ایران کی کسی بھی طرح مدد کر رہے ہیں۔ ان کے بقول ماسکو اور بیجنگ کے پاس ایران کی مدد کرنے کی صورت میں کھونے کے لیے بہت کچھ ہے اور امریکا کو اس کا فوری علم ہو جائے گا۔

ٹرمپ نے پیر کی شب اپنے سوشل میڈیا پلیٹ فارم ‘ٹروتھ سوشل’ پر لکھا کہ انہوں نے اپنے ناقدین اور مخالفین کے یہ بیانات دیکھے ہیں کہ چین اور روس ایران کی مدد کر رہے ہیں۔ تاہم ان کا کہنا تھا کہ اگر ایسا ہو بھی رہا ہے تو اس کا پیمانہ بہت محدود ہوگا لیکن انہیں نہیں لگتا کہ دونوں ممالک ایسا کر رہے ہیں۔

https://t.co/r38psw4Zl7

— Rapid Response 47 (@RapidResponse47) October 13, 2026

اس سے قبل جولائی میں بھی ٹرمپ نے کہا تھا کہ انہیں اعتماد ہے کہ چین اور روس ایران جنگ میں تہران کی مدد نہیں کریں گے۔ انہوں نے خبردار کیا تھا کہ اگر دونوں ممالک اس تنازع میں مداخلت کرتے ہیں تو اس کے ان کے لیے سنگین نتائج ہوں گے۔