افغانستان کے سابق وزیرِاعظم گلبدین حکمتیار نے طالبان حکومت کو ناقابلِ قبول قرار دیتے ہوئے ملک میں جلد انتخابات کے انعقاد کا مطالبہ کر دیا۔
افغان میڈیا رپورٹس کے مطابق حکمت یار کا کہنا ہے کہ موجودہ سیاسی ڈھانچہ عوامی امنگوں کی عکاسی نہیں کرتا، جس کے باعث ملک میں بے چینی اور غیر یقینی صورتحال بڑھ رہی ہے۔
سابق وزیراعظم کا کہنا تھا کہ افغانستان کو پائیدار سیاسی استحکام کی طرف لے جانے کے لیے فوری اصلاحات ناگزیر ہو چکی ہیں۔
اُنہوں نے زور دیا کہ افغانستان میں سیاسی استحکام کے لیے عوام کی رائے کو شامل کرنا ضروری ہے۔
