انگلش کرکٹ بورڈ نے پاکستانی کھلاڑیوں کو ہنڈرڈ لیگ میں مبینہ طور پر نظر انداز کیے جانے کی خبروں کے بعد اہم بیان جاری کر دیا ہے۔
ای سی بی کی گورننگ باڈی نے اعلان کیا کہ کھیل میں نسل، جنس یا عقیدے کی بنیاد پر تفریق کی کوئی جگہ نہیں۔
ای سی بی اور تمام 8 ٹیموں نے ‘دی ہنڈرڈ’ کو سب کے لیے کھلا رکھنے کا عزم ظاہر کیا، ای سی بی کے اعلامیہ میں کہا گیا کہ کھلاڑیوں کا انتخاب صرف کارکردگی اور دستیابی کی بنیاد پر ہوگا، قومیت کی بنیاد پر نہیں۔
ای سی بی نے انتباہ کرتے ہوئے کہا کہ کسی بھی قسم کے امتیازی سلوک کے خلاف سخت کارروائی کی جائے گی، دی ہنڈرڈ کا مقصد دنیا بھر کے بہترین ٹیلنٹ کو ایک پلیٹ فارم پر اکٹھا کرنا ہے۔
