اپوزیشن اتحاد تحریک تحفظ آئین پاکستان کے سربراہ محمود خان اچکزئی نے کہا ہے کہ پی ٹی آئی میں ڈسپلن کی کمی ہے اور ہر 100 بندوں میں ایک لیڈر ہے۔
لاہوربار کے صدارتی امیدوار کے کیمپ میں وکلاء سے خطاب کرتے ہوئے انہوں نے کہا کہ کل کے جلوس میں بہت بڑی تعداد موجود تھی۔
لیکن ایک بھی اسپیکریا مائیک نہیں تھا، اس کے باوجود ہم پی ٹی آئی کے مشکل وقت کے ساتھی ہیں اور یہاں عہدوں کیلئے نہیں آئے۔
محمود اچکزئی نے مزید کہا کہ ہمیں ہمیشہ مظلوموں کے ساتھ کھڑا رہنے کا کہا گیا ہے اور ہم پاکستان میں تحریکوں کے وارث ہیں۔
انہوں نے واضح کیا کہ اگرکوئی غلطی ماننے کے لئے تیار ہوگا تو مذاکرات کے ذریعے معاملات حل کئے جا سکتے ہیں۔
ان کے بقول اپوزیشن اتحاد عوام کی فلاح اورانصاف کے لئے سرگرم ہے اور سیاسی محاذ پر بھی مستقل مزاجی سے کام کر رہا ہے۔
