معروف پنجابی اداکار جسوندر سنگھ بھلا انتقال کر گئے۔
بھارتی میڈیا کے مطابق اداکار کو برین اسٹروک کے بعد موہالی کے اسپتال میں داخل کیا گیا تھا، جہاں وہ جمعہ کی صبح چل بسے۔ ان کی آخری رسومات 23 اگست بروز ہفتہ دوپہر 12 بجے موہالی میں ادا کی جائیں گی۔ 65 سالہ اداکار کے انتقال سے پنجابی انڈسٹری ایک بڑے فنکار سے محروم ہو گئی ہے۔
انہوں نے منفرد انداز میں مزاحیہ اداکاری کی جو ان کی پہچان بن گئی، وہ پنجاب میں پیدا ہوئے، ان کی فائن آرٹس کی استاد مدیپ کور سے ہوئی، ان کے بیٹے پکھراج سنگھ بھلا بھی اداکاری کر رہے ہیں۔
جسوندر نے اپنے کیریئر کا آغاز 1988 میں کامیڈی البم چھنکاتا 88سے کیا، فلمی دنیا میں ان کا پہلا بڑا کردار دُلا بھٹی تھا، انہوں نے فلموں کے ساتھ ساتھ اسٹیج شوز میں بھی اپنا لوہا منوایا۔
