امریکی محکمہ انصاف نے وفاقی عدالت میں نیویارک میئر ایریک ایڈمز سمیت دیگر اہلکاروں پر کیس کردیا۔
ٹرمپ انتظامیہ نے دعویٰ کیا کہ نیویارک میئر کی جانب سے نافذ قانون شہر میں خطرناک مجرموں کو گلیوں میں گشت اور گھناؤنے جرائم کی اجازت دیتا ہے۔
اس حوالے سے جنرل پام بوندی نے کہا کہ نیویارک شہر کی انتظامیہ نے ہزاروں مجرموں کو رہائی دی تاکہ وہ شہریوں کے خلاف پرتشدد جرائم کرسکیں۔
انہوں نے کہا کہ اگر نیویارک انتظامیہ اپنے شہریوں کے تحفظ کیلئے کھڑی نہیں ہوگی تو وفاق یہ اقدام کرے گا۔
معاون اٹارنی جنرل نے کہا کہ بہت عرصے سے نیویارک ٹرمپ انتظامیہ کے امیگریشن قوانین نافذ کرنے کی راہ میں حائل ہے، وفاق کی جانب سے امیگریشن قوانین پر عمل کی کوششیں اب ناکام نہیں بنائی جاسکیں گی۔
