لاہور، نیشنل کرکٹ اکیڈمی میں قومی کرکٹرز کے اسکلز ڈویلپمنٹ کیمپ کے دوسرے مرحلے کا آغاز ہو گیا ہے جو 30 جون تک جاری رہے گا۔
کیمپ میں 15 کھلاڑی شریک ہوئے، جنہوں نے بیٹنگ، بولنگ اورفیلڈنگ کی خصوصی مشقیں کیں، نمایاں کھلاڑیوں میں فخرزمان، سعود شکیل، حسین طلعت، عامرجمال، محمد نواز، حیدرعلی، علی رضا، میرحمزہ اوردیگرنوجوان ٹیلنٹ شامل ہیں۔
کیمپ کے پہلے مرحلے کی کارکردگی پر نیشنل کرکٹ اکیڈمی میں جائزہ اجلاس بھی منعقد ہوا جس کی صدارت ڈائریکٹرہائی پرفارمنس سینٹرعاقب جاوید نے کی۔
اجلاس میں کوچزاورآفیشلز نے کھلاڑیوں کی کارکردگی، فٹنس اور مستقبل کی حکمت عملی پرتبادلہ خیال کیا۔
