اسرائیلی فوج نے شمالی اور جنوبی غزہ میں زمینی کارروائی کا دائرہ کار بڑھا دیا ، بمباری سے حماس کے شہید رہنما یحییٰ السنوار کے بھائی سمیت 144 فلسطینی شہید ہو گئے۔
عرب میڈیا کے مطابق اسرئیلی فوج نے خان یونس پر بم برسائے ، جس میں یحییٰ سنوار کا دوسرا بھائی بھی شہید ہو گیا، زکریا سنوار کا جسد خاکی ملنے کی تصدیق کر دی گئی، وہ غزہ کی اسلامی یونیورسٹی میں پروفیسر تھے، زکریا کے بیٹے بھی اسرائیلی حملوں میں شہید ہو گئے۔
رپورٹس میں کہا گیا کہ سیف زون المواسی کیمپ پر اسرائیلی حملے میں 36 فلسطینی شہید ہوئے ، شہید ہونے والوں میں صحافی جوڑا خالد ابوسیف اور نور قندیل بھی شامل ہے۔
غزہ میں خوراک اورادویات کی شدید قلت بھی جاری ہے ، تمام اسپتال طبی خدمات سرانجام دینے سے قاصر ہو گئے ہیں ، دوسری جانب اسرائیل نے غزہ میں دو ماہ بعد محدود پیمانے پر امداد پہنچانے کی اجازت دی ہے۔
