بابراعظم نے پی ایس ایل میں نیا سنگ میل عبور کر لیا، 50 کیچز مکمل کرنے والے پہلے کھلاڑی بن گئے۔
پشاور زلمی کے کپتان نے یہ اعزاز اسلام آباد یونائیٹڈ کے خلاف کھیلے گئے میچ میں حاصل کیا، پی ایس ایل تاریخ میں کیرون پولارڈ 42 کیچز کے ساتھ دوسرے نمبر پر ہیں۔
پاکستان سپر لیگ میں افتخار احمد اور محمد نواز 40، 40 کیچز کے ساتھ تیسرے جبکہ شاداب خان اور فخر زمان 39، 39 کیچز تھام کر چوتھے نمبر پر ہیں۔
واضح رہے کہ پوائنٹس ٹیبل پر پشاور زلمی 6 پوائنٹس کے ساتھ پانچویں پوزیشن پر ہے، پشاور زلمی نے سات میچ کھیلے ہیں اور چار میں اسے شکست ہوئی ہے جبکہ تین میں وہ فاتح رہی ہے۔
اسلام آباد یونائیٹڈ 10 پوائنٹس کے ساتھ پہلی پوزیشن پر ہے، لاہور قلندرز 9 پوائنٹس کے ساتھ دوسرے، کوئٹہ گلیڈی ایٹرز 9 پوائنٹس کے ساتھ ہی تیسرے جبکہ کراچی کنگز 8 پوائنٹس کے ساتھ چوتھے نمبر پر ہے۔
