ٹرمپ انتظامیہ کا روس کے تیل، گیس اور بینکنگ سیکٹر پر پابندیاں سخت کرنے کا منصوبہ بنا لیا۔
امریکی ٹی وی نےدعویٰ کیا ہے کہ امریکی ادائیگی نظام تک رسائی بند کردی جائے گی، امریکی محکمہ خزانہ نے بائیڈن انتظامیہ کی روس کو دی گئی 60 روز کی رعایت ختم کردی ہے۔
امریکی ٹی وی کا کہنا تھا کہ روسی بینک بڑے توانائی سودوں کے لیے امریکی ادائیگی نظام سے فائدہ نہیں اٹھا سکیں گے۔
ذرائع کے مطابق امریکی پابندیوں سے دیگر ممالک کے لیے روس کا تیل خریدنا مشکل ہو جائے گا، ان اقدامات کا مقصد روس کو30 روز کی جنگ بندی کوقبول کرنے کیلئے مجبورکرنا ہے۔
