سابق کپتان سرفراز احمد نے کہا ہے کہ چمپیئنز ٹرافی میں پاکستان ٹیم نے محنت کی لیکن نتیجہ ہمارے حق میں نہیں آیا۔
سرفراز احمد نے کہا کہ ساری ٹیمیں جیتنے کیلئے کھیلتی ہیں، ہمیشہ یہ بات کی جاتی ہے ٹیم اچھا نہیں کھیلی، پرانے کرکٹرز، مینجمنٹ اور کوچز بھی جانتے ہیں کہ کوئی ٹیم ہارنے کے لئے نہیں کھیلتی۔
انہوں نے کہا کہ جب بھی کھلاڑیوں پر تنقید کریں تو بات بیلنس رکھ کر کریں، ان کاکہنا تھا جو ٹی وی پر بیٹھے ہیں وہ ان مراحل سے گزرے ہوئے ہیں، کھیلتے ہوئے رویہ کچھ ہوتا ہے اور جب کرکٹ چھوڑ جاتے ہیں تو تبدیل ہو جاتا ہے۔
سابق کپتان نے کہا کہ ہار اور جیت کھیل کا حصہ ہے، دورہ نیوزی لینڈ کے لئے پاکستان ٹیم نوجوان کھلاڑیوں پر مشتمل ہے، امید ہے دورہ نیوزی لینڈ میں نتائج ہمارے حق میں آئیں گے، نیوزی لینڈ کی کنڈیشن ہمیشہ سے چیلنجنگ رہی ہے، انہوں نے کہا کہ پی سی بی کا اچھا اقدام ہے کہ نئی ٹیم نیوزی لینڈ لے کر جا رہے ہیں۔
