لاہور میں انڈے مہنگے ہو گئے، مختلف شہروں میں مرغی اور سبزیوں کے نئے نرخ بھی مقرر کر دیے گئے۔
لاہور انتظامیہ کی جانب سے جاری کئے گئے سرکاری نرخنامے میں مرغی کی قیمت میں کوئی تبدیلی نہیں ہوئی، برائلر گوشت کی قیمت 595 روپے کلو کی سطح پر مستحکم ہے۔
لاہور میں زندہ برائلرمرغی کا تھوک ریٹ 397 روپے کلو جبکہ زندہ برائلر کا پرچون ریٹ 411روپے فی کلو ہے۔ لاہور میں انڈوں کی قیمت میں دو روپے کا اضافہ ہوا ہے۔
انڈوں کی قیمت میں مزید اضافے سے قیمت 284 روپے سے بڑھ کر 286 روپے فی درجن ہو گئی ہے۔ اسلام آباد میں انڈے 287 روپے درجن ہیں۔
راولپنڈی میں زندہ برائلر مرغی کے فی کلو نرخ 412 روپے مقرر کئے گئے ہیں جبکہ برائلر گوشت کی قیمت 597 روپے مقرر کی گئی ہے۔ اسلام آباد میں زندہ برائلر مرغی کی فی کلو 470 روپے مقرر کی گئی ہے۔
