تحریک انصاف خیبر پختونخوا کے صدر اور پبلک اکاؤنٹس کمیٹی کے چیئرمین جنید اکبر نے دعویٰ کیا ہے کہ 26 ویں آئینی ترمیم میں حکومت کو ووٹ دینے کے لیے مجھے 75 کروڑ روپے کی پیشکش کی گئی تھی۔
ایک بیان میں جنید اکبر نے کہا کہ پارٹی میں گدھے اور گھوڑوں کو ایک ساتھ نہیں رکھوں گا، جو ڈیلیور کرے گا وہ پارٹی میں ہو گا اور میں ہر قربانی دینے کے لیے تیار ہوں۔
یاد رہے گزشتہ روز مردان میں ورکرز کنونشن سے خطاب میں جنید اکبر نے کہا تھا کہ سیاسی کارکن ہوں، سیاسی نوکر نہیں، غلط کو غلط اور ٹھیک کو ٹھیک کہوں گا۔
انہوں نے کہا تھا کہ بانی پی ٹی آئی نے بھی بات نہ مانی تو پارٹی صدارت چھوڑ دوں گا، چوروں کو پارٹی میں برداشت نہیں کریں گے۔
