خیبرپختونخوا میں گیس کے نئے ذخائر دریافت کر لئے گئے۔
خصوصی سرمایہ کاری سہولت کونسل (ایس آئی ایف سی) کے تعاون سے خیبرپختونخوا میں قدرتی وسائل کی نئی دریافت ہوئی ہے۔
قدرتی وسائل کی ترقی میں آئل اینڈ گیس ڈویلپمنٹ کمپنی کا کلیدی کردار ہے، ملک معاشی استحکام کی جانب گامزن ہے۔
حکومت کی معاونت سے او جی ڈی سی ایل کا ملک کے سب سے بڑے ایکسپلوریشن منصوبوں پر کام جاری ہے، آئل اینڈ گیس ڈویلپمنٹ کمپنی لمیٹڈ کی جانب سے خیبر پختونخوا میں گیس کے اہم ذخائر دریافت ہوئے ہیں۔
دریافت شدہ ذخائر سے روزانہ گیس کی 2.14 ملین کیوبک فٹ تک پیداوار ممکن ہو سکے گی، یہ دریافت ملکی توانائی کی خود انحصاری میں اضافے اور توانائی بحران کم کرنے میں مددگار ثابت ہو سکتی ہے۔
خصوصی سرمایہ کاری سہولت کونسل کی معاونت سے مائننگ سیکٹر میں پیش رفت جاری ہے اور مزید ذخائر کی تلاش کے امکانات بھی روشن ہیں۔
