شام میں بشارالاسد کی حکومت کے خاتمے کے بعد اسلام آباد میں شامی سفارتخانے نے نئی عبوری حکومت کا پرچم لہرا دیا۔
سفارتی ذرائع کے مطابق نیا پرچم امید، امن اور انقلاب کے نظریات کی علامت ہے۔ نئے پرچم میں تین سرخ ستارے شامی انقلاب کے نظریات کی نشاندہی کرتے ہیں۔
دوسری جانب شام کی نئی عبوری انتظامیہ نے ملک کی فضائی حدود کھول دی۔ جس کے بعد شامی فضائی حدود سے پروازوں کی آمد و رفت شروع ہو گئی ہے، اردن کے دارالحکومت امان سے بیروت کے لیے پہلی پرواز نے دمشق کے اوپر سے سفر کیا۔
بغداد، جدہ اور دیگر شہروں کے لیے بھی شامی فضائی حدود سے پروازیں گزریں۔ شام کی فضائی حدود ایک ہفتہ قبل بشارالاسد کا تختہ الٹے جانے کے بعد سے بند کی گئی تھی۔
