آج کل ملک بھر میں بانی پی ٹی آئی عمران خان کی جانب سے سول نافرمانی کی تحریک چلانے کی دھمکی موضوع بحث بنی ہوئی ہے ، آیا یہ تحریک قابل عمل ہے بھی یا نہیں۔
سول نافرمانی کا مطلب حکومت کی اتھارٹی کو چیلنج کرتے ہوئے اس کے احکامات اور قوانین کی خلاف ورزی کرنا ہے ، جس میں ٹیکس ، بجلی ، گیس کے بل اور ٹول ٹیکس نہ دینا شامل ہے ، اس کا مقصد یہ ہوتا ہے کہ حکومت کی آمدنی روک کر اپنے مطالبات کیلئے دبائو ڈالا جا سکے۔
سول نافرمانی پر گرفتاری یا سزا کا سامنا بھی ہو سکتا ہے ، اس کا مقصد مکمل طور پر قانون کو مسترد کرنا نہیں ہوتا بلکہ مخصوص قوانین پر عمل نہ کرنے کا اعلان کیا جاتا ہے جو حکومت کو چلانے میں مددگار ہوتے ہیں۔
چند روز قبل سماجی رابطے کی ویب سائٹ ایکس پر پوسٹ کرتے ہوئے عمران خان نے پانچ رکنی مذاکراتی کمیٹی تشکیل دینے کا اعلان کیا جو دو اہم معاملات پر وفاقی حکومت کے ساتھ مذاکرات کرے گی۔
