گھی اور کوکنگ آئل کی قیمت میں ہوشربا اضافہ ہو گیا ہے۔ بڑھتی قیمتوں سے عوام کے مسائل مزید بڑھ گئے ہیں۔
موقر قومی اخبار کی رپورٹ کے مطابق 400 روپے فی لیٹر ملنے والا تیل اب 510 اور 550 روپے تک مہنگا ہوگیا جس سے کاروباری اخراجات دگنے ہوگئے ہیں۔
دکانداروں کا کہنا تھا کہ کاروبار متاثر ہوگیا ہے، اب کوئی بچت نہیں رہی، جو گھی کا کاٹن ساڑھے 6 ہزار روپے کا ملتا تھا، اب ساڑھے 8 ہزار روپے میں مل رہا ہے۔
کوکنگ آئل کی قیمتوں میں اضافے کی بڑی وجہ عالمی منڈی میں تیل کی قیمتیں بڑھنا اور مقامی سطح پر روپے کی قدر میں کمی قرار دی جارہی ہے۔
