انٹر بینک میں روپے کے مقابلے میں امریکی ڈالر کی قیمت میں 7 پیسے کی کمی ہوئی ، اسٹاک مارکیٹ میں تیزی کا رجحان دیکھا گیا۔
بدھ کو کاروبار کے آغاز پر انٹر بینک میں ڈالر 7 پیسے سستا ہو گیا جس سے امریکی کرنسی کی قیمت 278 روپے 55 پیسے ہو گئی۔
گزشتہ روز کاروبار کے اختتام پر انٹر بینک میں ڈالرکا ریٹ 278 روپے 62 پیسے بند ہوا تھا۔
دوسری جانب پاکستان اسٹاک ایکسچینج میں کاروبار میں تیزی کا رجحان رہا ، اسٹاک ایکسچینج کے 100 انڈیکس میں 118 پوائنٹس کا اضافہ ریکارڈ کیا گیا جسے کے بعد ہنڈریڈ انڈیکس 79 ہزار 405 پوائنٹس کی سطح پر پہنچ گیا۔
