پنجاب حکومت کی جانب سے مفت سولر پینل دینے کیلئے ورکنگ پلان مکمل کر لیا گیا۔
سولرائزیشن اسکیم کے تحت پہلے مرحلے میں پائلٹ پروجیکٹ پر عملدرآمد کا فیصلہ کیا گیا ہے، اس سلسلے میں وزیر اعلی پنجاب مریم نواز نے سولرائزیشن کے پائلٹ پراجیکٹ کی منظوری دے دی ہے۔
موقر قومی اخبار کی رپورٹ کے مطابق صوبے کے 200یونٹ تک کے صارفین کو مفت سولردینے کے لئے پائلٹ پراجیکٹ مرتب کر لیا گیا ہے،ذرائع کے مطابق سولرائزیشن سکیم کے تحت مفت سولر دینے کیلئے پہلے 2اضلاع کا انتخاب کیا گیا ہے۔
جن دو اضلاع میں سب سے پہلے مفت سولر پینل دیے جائیں گے ان میں راجن پور اور اٹک شامل ہیں، اس منصوبے کا آغاز اکتوبر میں متوقع ہے۔
دوسرے مرحلے میں پنجاب کے پسماندہ اضلاع میں سولر تقسیم کیے جائیں گے، یاد رہے کہ حکومت پنجاب کے اعلان کے مطابق 200 یونٹ والے صارفین کو مفت جبکہ 500 یونٹ تک کے صارفین کو بلاسود سولرز سسٹم فراہم کیا جائے گا۔
