جے یو آئی ( ف ) کے سربراہ مولانا فضل الرحمان نے پارلیمنٹ میں پی ٹی آئی کی مکمل حمایت کے لئے بڑا مطالبہ کر دیا۔
ذرائع سے معلوم ہوا ہے کہ جے یو آئی نے مبینہ طور پر قومی اسمبلی اور سینیٹ میں پی ٹی آئی کی حمایت کیلئے پی ٹی آئی سے سینٹ کی دو نشستوں کا مطالبہ کیا ہے۔
ذرائع کا کہنا ہے کہ مولانا فضل الرحمان اپنے قریبی عزیز اور سابق گورنر خیبر پختونخوا غلام علی کو سینیٹر بنوانا چاہتے ہیں لیکن ان کے پاس ووٹوں کی مطلوبہ تعداد کم ہے۔
ذرائع کے مطابق دو نشستوں کے مطالبے کے پیش نظر حکمت عملی یہ ہے کہ اس طرح پی ٹی آئی ایک نشست پر بھی آمادہ ہو سکتی ہے ،ذرائع نے بتایا کہ تحریک انصاف کمیٹی نے معاملے پر غور اور بانی پی ٹی آئی سے مشاورت کا وقت مانگا ہے۔
