چیف میٹرولوجسٹ سردار سرفرازنے کہا ہے کہ کراچی میں آج بہت شدید گرمی پڑی،درجہ حرارت 40 ڈگری سینٹی گریڈ تک پہنچ چکا ہے۔
اپنے ایک ویڈیو بیان میں ان کا کہنا تھا ایسی صورتحال ان لوگوں کے لیے تھوڑی خطرناک ہو سکتی ہے جو مسلسل دیر تک کھلے آسمان تلے کام کررہے ہیں،ایسے موسم میں کھلے آسمان کےنیچے زیادہ دیر رہنےسے پانی کی کمی ہوسکتی ہے۔
کراچی کے جنوب مشرق میں ہوا کا دبائو بنا ہوا ہے جس کی وجہ سے سمندری ہوائیں مسلسل بند ہیں ،کل شام کے بعد سے سمندری ہوائیں چلنے کا امکان ہے۔
کراچی میں زیادہ سے زیادہ درجہ حرارت40.5ڈگری سینٹی گریڈ،ہوا میں نمی کا تناسب 66 فیصد ریکارڈ کیا گیا ہے۔
