یہ بات غلط ہے کہ میری وجہ سے سلیکشن کمیٹی دباؤ میں آئی، وہاب ریاض

سابق سلیکٹر وہاب ریاض کا کہنا ہے کہ یہ بات غلط ہے کہ میری وجہ سے سلیکشن کمیٹی دباؤ میں آئی۔

اپنے ایک بیان میں انہوں نے کہا کہ میرے بارے میں جو لکھا گیا وہ درست نہیں ہے،ایک انسان 7 بندوں پر کیسے بھاری ہو سکتاہے؟فیصلوں کی دستاویز میٹنگ منٹس کے طور پر موجود ہیں۔

علاوہ ازیں پی سی بی نے وہاب ریاض اور عبدالرزاق کو عہدوں سے ہٹانے کا اعلامیہ جاری کردیا،اعلامیہ میں کہا گیا،پی سی بی جلد سلیکشن کمیٹی کی تشکیل نو کے بارے میں آگاہ کریگا۔

عبدالرزاق مینز اور ویمنز ٹیم کے ممبر سلیکشن کمیٹی بھی تھے،سابق کرکٹرز نے چیئرمین پی سی بی سے ملاقات میں سلیکشن کمیٹی پر اعتراضات کیے گئے۔