انسانی اسمگلنگ کے الزام میں سماجی کارکن صارم برنی کو کراچی ایئرپورٹ سے گرفتار کرلیا گیا۔
وفاقی تحقیقاتی ادارے (ایف آئی اے) حکام کے مطابق صارم برنی کو امریکی حکومت کی شکایت پر انسانی اسمگلنگ کے الزام میں حراست میں لیا گیا۔ صارم برنی امریکا سے کراچی واپس آرہے تھے
حکام کا کہنا تھا کہ صارم برنی پر انتہائی سنگین نوعیت کے الزامات ہیں، کافی عرصے سے صارم برنی کی نقل و حرکت پر نظر رکھی جا رہی تھی۔ آج صارم برنی جیسے ہی امریکا سے کراچی ایئرپورٹ پہنچے، ایف آئی اے ٹیم نے انہیں گرفتار کیا۔
حکام نے بتایا کہ صارم برنی کو ایف ائی اے اینٹی ہیومن اینڈ ٹریفکنگ ٹیم نے حراست میں لیا۔
