ہری پور کے گرلز ہائر سیکنڈری اسکول سری کوٹ میں آگ لگ گئی تاہم بروقت کارروائی کر کے 1400 طالبات کو بحفاظت نکال لیا گیا۔
ترجمان ریسکیو ہری پور کا کہنا ہے کہ آتشزدگی سے کوئی جانی نقصان نہیں ہوا، سینکڑوں طالبات کو ریسکیو کر لیا گیا تاہم اسکول کا فرنیچر، تمام ریکارڈ اور چھتیں جل گئی ہیں۔
ترجمان نے بتایا کہ آگ نے پورے اسکول کو اپنی لپیٹ میں لیا ، اسکول کی عمارت کا آدھا حصہ لکڑی سے بنا ہوا ہے۔
فائربریگیڈ اور مقامی افراد نے آگ پر قابو پا لیا تاہم پہاڑی علاقہ ہونے کے باعث فائر بریگیڈ کی گاڑیوں کوپہنچنے میں دشواری کا سامنا کرنا پڑا۔
